....

నన్ను నేను మోసం చేసుకుంటూ
నిన్ను నేను మోసం చేస్తూ
నువ్వు నన్ను మోసం చేస్తూ
నిన్ను నువ్వు మోసం చేస్తూ
నా కోసం నువ్వు అబద్దాలాడుతూ
నీ కోసం నేను అబద్దాలాడుతూ
భలే సాగుతున్నాం
ఈ ప్రయాణంలో
తరువాతి మజిలీ ఏమిటో మరి.

మంచి దొంగ

రాయల వారి ఆద్వర్యంలో హంపిలో దసరా ఉత్సవాలు ఘనంగా జరుగుతున్నాయి. అప్పటికే రాయలు వారు దున్నపోతును ఒక్కేటున బలిచ్చి సామంతుల నుండి బహుమతులు స్వీకరించడం వంటి కార్యక్రమాలు ముగించి నాట్యవినోదంలో మునిగిపొయ్యారు. నగరం మొత్తం అక్కడే ఉందా అన్పించేట్టు ఇసుక వేస్తే రాలనంతమంది పోగయ్యారు. సరిగ్గా అదే సమయంలో నగరంలో రెండు ప్రముఖ శెట్టిగార్ల భవనాలు దోపిడీకి గురయ్యాయన్న వార్త దానావాలంలా వ్యాపించింది. హంపి నగరంలో దొంగతనమా! అదీ ఒకే రోజు రెండు చోట్ల !! అంతా ముక్కున వేలేసుకున్నారు.
%%%%%%%%%%
అంతకు రెండు దినాల క్రితం దొంగల గుహ చాలా కోలాహలంగా ఉంది. ఆ రోజు దొంగల నాయకునికి వారసుని ఎన్నుకునే రోజు. అప్పటి వరకు జరిగిన అన్ని పోటీల్లోనూ కిన్నడు, తిన్నడు సమ ఉజ్జీలుగా వచ్చారు. తమ నాయకుడు ఎవరిని విజేతగా ప్రకటిస్తాడో అని అందరూ ఆసక్తిగా ఎదురు చూడసాగారు.
దొంగల నాయకుడు మాట్లాడటం మొదలుపెట్టాడు. దాంతో అప్పటివరకు కోలాహలంగా ఉన్న గుహ చాలా నిశ్శబ్దంగా మారిపొయింది.
"నాకు చాలా ఆనందంగా, గర్వంగా ఉంది. ఇప్పటివరకు జరిగిన అన్ని పోటీల్లోనూ కిన్నడు, తిన్నడు ఇద్దరూ సమ ఉజ్జీలుగా నిలిచారు. అందుకని ఇంకో పోటీ --" అందరూ మరింత కుతూహలంగా వినసాగారు, తరువాతి పోటీ ఏమిటా అని.
"ఇదిగో ఇది హంపీ నగరంలో విరూపాక్షునికి శెట్టిగార్ల వీధి సమర్పించిన దాన వివరాల దస్త్రం. వీరిలో ఏదో ఒక ఇంటికి వెళ్లి సొమ్ములతో తిరిగి రావాలి."
%%%%%%%%%%%%%%%%%%%%
దసరా పండుగ ముగిసింది. దొంగల గుహ ఈ రోజు మరింత కోలాహలంగా ఉంది. అంతలో తిన్నడు తను తీసుకొచ్చిన బంగారు వరహాలు, నగలు, వజ్రాలు అన్నీ నాయకుని ఎదురుగా కుప్ప పోశాడు. గుహ మొత్తం సంతోషసూచకంగా ధ్వనులు. "విరూపాక్షునికి వెయ్యినొక్క వరహాలిచ్చిన గాజుల శెట్టి గారి బొక్కసం ఖాలీ!" అంటూ గర్వంగా నాయకునివైపు చూశాడు. నాయకుడు సంతోషంగా తలూపి కిన్నెడువైపు చూశాడు.
కిన్నెడు సైగ చెయ్యంగనే 16 మంది అనుచరులు బంగారు వరహాలు, వజ్రాలు, ఆభరణాలు పేద్ద గుట్టగా పోసారు. గుహ మొత్తం దద్దరిల్లింది.
"విరూపాక్షునికి ఒకే ఒక్క వరహా దానమిచ్చిన వరాల శెట్టి గారి బొక్కసం ఖాలీ!" అంటూ గర్వంగా నాయకునివైపు చూశాడు.
నాయకుడు మాట్లాడటం మొదలుపెట్టాడు. గుహలో మరోసారి నిశబ్దం ఆవరించింది.
"దొంగల నాయకునికి దొంగతనం చేసే జాగురూకతతో పాటు, ఎక్కడ సొమ్ములుంటాయో తెలుసుకునే తెలివితేటలు కూడా అవసరం. దొంగతనం చెయ్యడంలో తిన్నెడు, కిన్నెడూ ఇద్దరూ ఒకరికి మించిన వారు ఒకరు. కానీ కిన్నెడుకి ఎక్కడ దొంగతనం చెయ్యాలో కూడా తెలుసు. అతనే మీ నాయకుడు." అని ప్రకటించగానే గుహ మరోసారి దద్దరిల్లింది.

తెదేపా మద్దతుగా యువ ఇంజనీర్ల సదస్సు

అడ్డులేని అవినీతి.. అంతులేని అశాంతి
చేతకాని ప్రభుత్వాలివి
మండిపడ్డ తెదేపా
మద్దతుగా యువ ఇంజనీర్ల సదస్సు
కె.పి.హెచ్‌.బి.కాలనీ, సెప్టెంబరు 28 (న్యూస్‌టుడే): దేశ శాంతిభద్రతలను కాపాడటంలో విఫలమైన కేంద్ర హోంశాఖ మంత్రి శివరాజ్‌పాటిల్‌ ఢిల్లీలో ఓ జోకర్‌లా తయారయ్యారని రాష్ట్ర మాజీ డీజీపీ, తెదేపా నాయకుడు పేర్వారం రాములు విమర్శించారు. తెదేపాకు మద్దతుగా మనకోసం తెలుగుదేశం అంటూ యువ ఇంజనీర్లు ఆదివారం కేపీహెచ్‌బీ కాలనీలోని ఐమాక్స్‌ గార్డెన్స్‌లో నిర్వహించిన సదస్సులో ఆయన ముఖ్యఅతిధిగా ప్రసంగించారు. ఈసందర్భంగా రాములు మాట్లాడుతూ కేంద్ర రాష్ట్ర ప్రభుత్వాల పనితీరుపై తీవ్ర విమర్శలు చేశారు. ప్రస్తుతం రాష్ట్రంలో అవినీతి ఆశ్రిత పక్షపాత రాక్షస పాలన కొనసాగుతోందన్నారు. ముఖ్యమంత్రి తాబేదార్లకు ప్రభుత్వ భూమిని ధారాదత్తం చేస్తున్నారని ధ్వజమెత్తారు. మరోసారి కాంగ్రెస్‌ అధికారంలోకి వస్తే రాష్ట్రాభివృద్ధి కోసం అంగుళం భూమి కూడా మిగలని హెచ్చరించారు. సెజ్‌ల పేరుతో పేదల భూమిని పెద్దలకు దోచిపెడుతోందన్నారు. కిందిస్థాయి ఉద్యోగుల అవినీతిపై కొరడా ఝళిపించే ప్రభుత్వం ఐఎఎస్‌, ఐపిఎస్‌ల స్ధాయిలో జరిగే అవినీతిని మాత్రం అసలు పట్టించుకోవడంలేదని రాములు ధ్వజమెత్తారు. రాష్ట్రంలో కేంద్రలో శాంతిభధ్రతలు పూర్తిగా కనుమరుగయ్యాయని, ప్రభుత్వాలు దిక్కుతోచని స్థితిలో ఉండిపోయాయని విమర్శించారు. సదస్సు ఏర్పాటు చేసిన ఇంజనీర్లను ఆయన అభినందించారు. పారిశ్రామికవేత్త నామా నాగేశ్వరరావు మాట్లాడుతూ మన ఇంటిని, కుటుంబాన్ని కాపాడుకున్నట్టే మనరాష్ట్రాన్నికూడా చేతకాని ప్రభుత్వం నుంచి మనమే ప్రస్తుతం కాపాడుకోవాల్సిన అవసరం ఏర్పడిందన్నారు. రాష్ట్రంలో ఐటీ విప్లవం తెదేపా వల్లే జరిగిందన్నారు. శాస్త్రవేత్త చందు సాంబశివరావు మాట్లాడుతూ అభివృద్ధి ఫలాలు అందరికీ అందాలన్నా, సామాజిక న్యాయం జరగాలన్నా తెదేపా వల్లే జరుగుతుందన్నారు. ఐటి నిపుణుడు సతీష్‌ మాట్లాడుతూ ప్రపంచంలో తెలుగువారికి ఐటి రంగంలో గుర్తింపును చంద్రబాబు తెచ్చారన్నారు. సదస్సులో యువ ఇంజనీర్లు తెదేపా చేట్టిన కార్యక్రమాలు, కాంగ్రెస్‌ హయాంలో జరిగిన అవినీతిని స్త్లెడ్స్‌ ద్వారా ప్రదర్శించి ఆకట్టుకున్నారు. మేలుకో యువత, కాపాడుకో రాష్ట్రభవిత వంటి నినాదాలతో హోరెత్తించారు. ఇంటిలోని ప్రతిఒక్కరూ తమోటుహక్కును వినియోగించుకోవడంతోపాటు కుటుంబసభ్యులందరినీ ఓటుహక్కు వినియోగించుకోనేలా చూడాలని కోరారు.

source eenaadu Hyd district news.

మన కోసం తెలుగు దేశం ఫోటోలు

ఆడిటోరియం అలంకరణ
పెద్దలు




జ్యోతి ప్రజ్వలన
వ్యాఖ్యాత
పిన్నలు
నామా నాగేశ్వరరావు గారు
శ్రీనివాస రెడ్డి గారు
నాసా వేత్త


హాల్ ఫుల్ (ఆల్మోస్ట్) ఓ వెయ్యి మంది వరకూ వచ్చారు అని అంచనా.

పిన్నలు
అన్నగారి ఆశీర్వాదాలు


ఐటీ రకతం

టీడీపీకి మద్ధతుగా రాష్ట్ర యువ ఇంజనీర్ల అసోసియేషన్‌

రాష్ట్రంలో అవినీతిదే ప్రదమ స్థానం

కేపీహెచ్‌బీకాలనీ, ఆన్‌లైన్‌: తెలుగుదేశం పార్టీకి మద్ధతుగా యువత సమర శంఖం పూరించడం హర్షించదగ్గ పరిణామమని మాజీ డీజీపీ పేర్వారం రాములు అన్నారు. టీడీపీకి మద్ధతుగా రాష్ట్ర యువ ఇంజనీర్ల అసోసియేషన్‌ ఆధ్వర్యంలో ఆదివారం కేపీహెచ్‌బీకాలనీలోని ఐమాక్స్‌ గార్డెన్స్‌లో భారీ సదస్సును నిర్వహించారు. అంతకు ముందుకు వివిధ రంగాలకు చెందిన యువ ఇంజనీర్లు భారీ ర్యాలీ నిర్వహించారు. సదస్సుకు పేర్వారం రాములు ముఖ్య అతి«థిగా హాజరయ్యారు.

ఈ సందర్భంగా మాట్లాడుతూ రాష్ట్రంలో ప్రస్తుతం అభివృద్ధి కంటే అవినీతి ముందంజలో ఉందని విమర్శించారు. బందుగణం, అనుచరుల ద్వారా వైఎస్‌ అవినీతికి పాల్పడుతున్నాడని ఆరోపించారు. ఈ విషయంలో కింది స్థాయి ఉద్యోగులే బలవుతున్నారు తప్ప ఉన్నతస్థాయిఅధికారులు, రాజకీయ నాయకులు పట్టుబడ్డ దాఖలాలు మాత్రం లేవన్నారు. ఉగ్రవాదంతో పాటు లా అండ్‌ అర్డర్‌ విషయంలో యూపీఏ ప్రభుత్వం పూర్తిగా విఫలమైందన్నారు.

ప్రముఖ పారిశ్రామిక వేత్త నామా నాగేశ్వర్‌రావు మాట్లాడుతూ తెలుగువాడి ఆత్మగౌరవాన్ని నిలబెట్టిన ఎన్టీఆర్‌ను స్ఫూర్తిగా తీసుకుని నేటి యువత ముందుకు సాగాలన్నారు. ఫోర్‌ సాఫ్ట్‌ అధినేత శ్రీకాంత్‌రెడ్డి ప్రసంగిస్తూ ఓటు అనే ఆయుధంతో యువత రాజకీయాల్లో క్రియాశీలక పాత్ర పోషించాలని, చంద్రబాబును తిరిగి అధికారంలోకి తీసుకురావడానికి కృషి చేయాలని పిలుపునిచ్చారు. వచ్చే ఎన్నికల్లో ప్రజల్లో చైతన్యం తెచ్చి టీడీపీని తిరిగి అధికారంలోకి తెస్తామని యువ ఇంజనీర్లు ప్రతిజ్ఞ చేశారు

news source andhrajyothy

నోరు విప్పే వారెవరూ కన్పించలేదు.

ముందు వారు 'బూతు ' బ్లాగులంటూ కొన్ని తొలగించారు.

నాది మంచి బ్లాగు కదా అని ఊరకున్నాను.

తరువాత వారు 'మూఢ ' బ్లాగులంటూ కొన్ని తొలగించారు.

నాది 'అమూఢ ' బ్లాగు కదా అని ఊరకున్నాను.

తరువాత వారు ' కుల ' బ్లాగులంటూ కొన్ని తొలగించారు.

నాది 'అభ్యుదయ ' బ్లాగు కదా అని ఊరకున్నాను.

తరువాత వారు ' ప్రాంతీయ ' బ్లాగులంటూ కొన్ని తొలగించారు.

నాది 'సమైఖ్య ' బ్లాగు కదా అని ఊరకున్నాను.

ఇప్పుడు ' నా బ్లాగు ' నే తొలగించారు.

చుట్టూ చూస్తే నోరు విప్పే వారెవరూ కన్పించలేదు.

నమ్మలేని నిజాలెన్నో

ఇన్నాళ్లూ మనసు అద్దంలో
నన్ను నేను పరికిస్తూ,
సూపర్ గా ఉన్నా అనుకుంటున్నా!

ఇవ్వాల నిజ అద్దంలో చూస్తుంటే
నమ్మలేని నిజాలెన్నో కన్పిస్తున్నాయి.

తెల్లబడ్డ జుట్టు,
నల్లబడ్డ పెదాలు,
ముడతలు పడ్డ మొఖం,
కళ్ల ముందు బూతద్దాలు
పెద్ద చైనా గంటలా ఒళ్లు!
నిజాలెన్నో కన్పిస్తున్నాయి.

ఇన్నాళ్లూ
ప్రేమ, స్నేహం
కోపం, నవ్వు
మాట, పాట
అన్నీ ఎత్తులే అనుకుంటూ
ప్రయోగిస్తూ విజయాల మెట్లెక్కుతూ
సూపర్ అనుకుంటున్నా.

ఇవ్వాల క్రిందికి చూస్తే
వదిలేసిన చెప్పులూ
విసిరేసిన గొడుగులూ
ఆవల వేసిన వస్త్రాలూ
అందనంత దూరంలో కన్పించాయి.
ఎండా, వానా
కష్టాల్, కష్టాల్
తోడై నిల్చాయి.

రేడియోతో పాడించీ పాడించీ
పొడిబారిపొయిన బ్యాటరీల్లా
ఎవరికోసమో, ఎవరితోనో
ఏదో చేయించి వాడిపొయిన
నిజ రూపం కన్పించింది.

కవాకటి (Telugu Story) - A must Read.

పెదరాయుడుగారు సింహాసనంపై ఆసీనులై ఉన్నారు. అతని ఎదురుగా సామంతులు? సుందరాం, గ్యాంగద్, మానిక్ లు కూర్చోనున్నారు. ముగ్గురూ పెదరాయుడుగారు ఏం మాట్లాడతారో ఏమిటో అని ఆసక్తిగా ఎదురు చూడసాగారు.

అందరిముందుకూ టీ, బిస్కోట్లు తెచ్చి బాయ్స్ నిష్క్రమించిన దాకా ఎవరూ ఏమీ మాట్లాడలేదు. అంతా నెమ్మదిగా టీ తాగుతూ బిస్కోట్లు తింటూ గోడమీద స్క్రీన్పై ప్రొజెక్ట్ చేసిన దాన్ని గమనించసాగారు.

కవాకటి

వార్షిక రిపోర్ట్

అని స్క్రీన్ పై ప్రొజెక్ట్ చెయ్యబడింది.

పెదరాయుడు గారు కుషన్ కుర్చీలో ఇంకొంచెం సుఖం కోసం సర్దుకొని కూర్చొని మాట్లాడటం మొదలు పెట్టాడు.

"ఫ్రెండ్స్! సంవత్సరం ముగిసింది. ఒక్కసారి ఏం జరిగిందో తరచి చూసుకొని కొత్త సంవత్సరాన్ని ఎలా మలచుకోవాలో చూద్దాం. ముందుగా గుడ్ న్యూస్ తో మొదలుపెడదాం" అంటూ తరువాతి స్లైడ్ కి వెళ్లాడు. స్లైడ్ చూస్తూ మాట్లాడటం కొనసాగించాడు.

ఈ సంవత్సరం మన రెవిన్యూ 60 కోట్లు. రూంలోని మిగిలిన ముగ్గురూ చప్పట్లు కొట్టారు. పెదరాయుడు గారు కొంచెం సేపు నిశ్శబ్దంగా ఉండి తరువాత స్లీడ్ కి వెళ్లారు.

కానీ బ్యాడ్ న్యూస్ ఏమిటంటే మనం ఈ సంవత్సరం రెవిన్యూ 100 కోట్లగా టార్గెట్ పెట్టుకున్నాం, దానికి చాలా దూరంలో ఆగిపొయినాము.

ఈ సారి ముగ్గురూ సీరియస్ గా స్లైడ్ చూడసాగారు. పెదరాయుడువైపెవరూ చూడలేదు.

కానీ మరో గుడ్ న్యూస్! అంటూ తరువాతి స్లైడ్ కి వెళ్లాడు. అందులో వివిధ నగరాల పేర్లూ వాటి పక్కన రెవిన్యూ వివరాలు ఉన్నాయి.

మిగిలిన నగరాలతో పోలిస్తే మన హైదరాబాద్ చాలా ముందుంది. ఆ తరువాత 40 కోట్లతో డిల్లీ రెండో స్తానంలో ఉంది.

ఇలా అని తరువాత స్లైడ్ కి వెళ్లబోతుంటే గ్యాంగద్ మాట్లాడాడు.

"అంటే మన టార్గెట్ లు మరీ అన్ రియలిస్ట్ క్ గా పెట్టుకున్నామేమో?"

చాలా మంచి ప్రశ్న మన తరువాతి స్లైడ్ లో దానికి కొంతవరకూ సమాధానం ఉండోచ్చు. నిజానికి మన టార్గెట్లు కష్టమైనవే కానీ పూర్తిగా అన్ రియలిస్ట్ క్ కాదు. మొత్తం హైదరాబాదులో ప్రజలు కూరగాయలుపై పెట్టే ఖర్చు 350 కోట్ల రూపాయలు. దానిలో మన టార్గెట్ కేవలం 100 కోట్ల రూపాయలు మాత్రమే!

ఏదేమైనా మిమ్మల్ని మీ కష్టాన్ని తక్కువ చేయడం నా ఉద్దేశ్యం కాదు. మనం చాలా కష్టపడ్డాం. అందరి కంటే ముందంజలో నిలిచాం> దిసీజ్ సంథింగ్ టూ సెలబ్రేట్ అంటూ తరువాత స్లైడ్ కి వెళ్లాడు.

ఈ స్లైడ్ పూర్తిగా మానిక్ కే చెందుతుంది. మన మార్కెటింగ్ హెడ్ గా మానిక్ అధ్బుతమైన పెర్ఫామెన్స్ కనపర్చాడు. నగరంలో మన షాప్ ఓపెన్ అవ్వడానికి ముందే మీడియాలో అధ్భుతమైన క్రేజ్ తెచ్చి పెట్టాడు. ఎక్కడా నెగటివ్ పబ్లిసిటీ రాకుండా చాలా బాగా మేనేజ్ చేశాడు.

ఈ విషయంలో మన హైదరాబాద్ టీం దేశానికే ఆదర్శం.

ఆ తరువాత కూడా అత్యంత తక్కువ బడ్జెట్ తో మంచి పబ్లిసిటీ డిజైన్ చేశాడు.

అందరూ చప్పట్లతో తమ సంతోషాన్ని వ్యక్తపరచారు. పెదరాయుడు కూడా వారితో జతకలిశాడు.

ఈ స్లైడ్ మన సుందరాం క్రెడిట్. ఐయేయస్ నుండి నేనతన్ని హైర్ చేసినప్పుడు కొంతమంది అభ్యంతరం చెప్పారు. కానీ సుందరాం నా నమ్మకాన్ని వమ్ము చేయలేదు. మనకు రియల్ ఎస్టేట్ వ్యవహారాల్లో కానీ, ఇల్లీగల్ గా కూరలు అమ్ముతూ మన వ్యాపారాన్ని క్రబ్ చేయడంలో కానీ ఇంకా అనేకానేక విషయాల్లో అద్భుతమైన ఫెర్ఫామెన్ కనపర్చాడు. ఇతని విజయాల్లో నాకు నచ్చినది చాలా కూల్ గా సికింద్రాబాద్ రైల్వేస్టేషన్ దగ్గర ఉన్న రెండు వందలపైబడి ఇల్లీగల్ వెండార్స్ ని మనకి నష్టం కలిగించకుండా చెయ్యడం ఈ విషయంలో ఇతను మీడియా, పోలీస్, పొలిటికల్ అన్ని సర్కిల్లలో తన పలుకుబడి పాజిటివ్ గా ఉపయోగించుకున్నాడు. కూడోస్ టూ సుందరాం.

అందరూ ఇంకొంచెం గట్టిగా చప్పట్లు కొట్టారు.

ఈ స్లైడ్ క్రెడిట్ గ్యాంగద్. గ్యాంగద్ మన దగ్గరకు పెద్ద ఐటీ కంపెనీ నుండి వచ్చాడు. ముందుగా సాఫ్ట్ వేఋ ఇండస్ట్రీ నుండి మన కూరగాయల వ్యాపారానికి రాడానికి ఒప్పుకున్నందుకు గ్యాంగద్ కు చాలా థాంక్స్.



గ్యాంగద్ కొంచెం సిగ్గు పడ్డాడు.

ఇతను సృజనాత్మకంగా డిజైన్ చేసిన వివిధ స్కీములతో మన సేల్స్ ఒక్కొక్క రోజు రెట్టింపయ్యాయంటే అతిశయోక్తి కాదు. అన్నింటికంటే నా ఫేవరెట్ మూడు కేజీలు బీరకాయలు కొంటే కేజీ పొట్లకాయలు ఫ్రీ. నేనయితే అస్సలు నమ్మలేదు బీరకాయలు నచ్చిన చాలా మందికి పొట్లకాయలు కూడా నచ్చుతాయని గ్యాంగద్ ప్రోగ్రాం చెప్పినప్పుడు.

అందరూ గట్టిగా నవ్వుతూ తప్పట్లు కొట్టారు. గ్యాంగద్ ఇంకొంచెం సిగ్గు పడ్డాడు.

ఒక్కసారి ఎం బాగా జరగలేదో చూద్దాం.

మనం మన 100 కోట్లు టార్గెట్ చేరుకోకపోవడానికి ప్రధాన కారణం రైతు బజార్ లు. ఒక్క హైదరాబాద్ లోనే అవి 150 కోట్ల వ్యాపారం చేస్తున్నాయి.

రెండో కారణం చాలా సార్లు మన దగ్గరకు వచ్చే కస్టమర్ లు కావల్సినవి మన షాపుల్లో ఆసరికే నిండుకోవడం.

మూడో కారణం రకరకాల కారణాల వల్ల మనం ధరలు తక్కువగా ఉంచాల్సి రావడం.

నాలుగో కారణం మనం కేవలం 300 షాపులే ఓపెన్ చెయ్యడం. 500 షాపులు మన టార్గెట్!!

(సషేషం_)
(అయిపోయింది.)

ఎలాగో ఏదో రకంగా ఉంది

పొగచూరిన దీపం వెలుగులా
మబ్బులు కమ్మిన సాయం సంధ్య వేలలా
మనసంగా ఏదో కమ్మేసింది.

చల్లని నీళ్లు నెత్తిపై పోసినట్టు,
చల్లని నీల్లు మొహంపై కుమ్మరించినట్టు
చల్లని నీళ్లలో కాళ్లు పెట్టినట్టు
ఎలాగో ఎదో రకంగా ఉంది

ఎవరో ఇనుప ముక్క గొంతులో దించినట్టు
ఎవరో సన్నని కత్తితో గొంతు దబ్ మని కోసినట్టు
ఎవరో నన్ను నిలువునా చీల్చినట్టు
ఎలాగో ఏదో రకంగా ఉంది

విహారం

మరో ఉదయం మేల్కొని
రెక్కలు అల్లల్లాడిచ్చి, విదిల్చి
కాలితో ముక్కు సరి చేసుకొని
ముక్కుతో కాళ్లు సరిచేసుకొని
అటు ఇటు చూసి విహారం మొదలెట్టాను.

కొంచెం సేపు రెక్కలు వేగంగా అల్లాడిస్తూ
కొంచెంసేపు రెక్కలు నెమ్మదిగా అల్లాడిస్తూ
కొంచెంసేపు రెక్కలు నిశ్చలంగా నిలిపి
అటు ఇటు చూస్తూ విహారం కొనసాగించాను.

కొండల చుట్టూ, జలపాతాల పైగా
నదుల వెంబడి, సముద్రాల అలల పైగా
నగరాలకు దూరంగా, పల్లెల పైగా
అన్నీ ఆనందిస్తూ విహారం కొనసాగించాను.

ఆకలి వేలల వేటాడుతూ,
ఆపై క్షణ క్షణం ఆనందిస్తూ,
విహారం కొనసాగించాను.

రాత్రి రిక్రూట్ సినిమా చూశాను. బాగుంది!!

రాత్రి రిక్రూట్ సినిమా చూశాను. బాగుంది!!

మన తెలుగు డిరక్టర్లు ఇంకా కాపీ కొట్టలేదే అని అనుమానం వచ్చింది.

చూస్తూ ఉండండి ఏ తలక మాసిన డిరక్టరో, తలక మాసిన హీరోనో చూడకపోడూ, కాపీ కొట్టకపోడూ :)

నమ్మకం మీద లోకం నడవట్లేదంటావ్?

నమ్మకం మీద లోకం నడవట్లేదంటావ్?
సున్నా సున్నా అనే నమ్మకం మీదే కదా లోకం నడుస్తుంది!

నమ్మకం మీద లోకం నడవట్లేదంటావ్?
నమ్మకంతో కుంటి వాడు నడవటం నేను చూశాను.
నమ్మకంతో గుడ్డివాడు చూడటం నేను చూశాను.

నమ్మకం మీద లోకం నడవట్లేదంటావ్?

ఎప్పుడూ ఇప్పుడు నువ్వెవడో వాడివే నీవు.

ఎప్పుడో రాయి మీద రాయి పెట్టి
ఓ శిల్పం పేర్చి ఉండవచ్చు.
ఇప్పుడు నువ్వో శిల్పకారునివనుకుంటే ఎలా?

ఎప్పుడో పలు రంగులు విరజిమ్మి
ఓ అధ్భుతాన్ని ఆవిష్కరించి ఉండవచ్చు.
ఇప్పుడు నువ్వో చిత్రకారునివనుకుంటే ఎలా?

ఎప్పుడో మేరువును ఒంటి చేత్తో
ఒక్క కుదుపు కుదిపి ఉండవచ్చు.
ఇప్పుడు నువ్వో అతి బలవంతుడివనుకుంటే ఎలా?

ఎప్పుడూ ఇప్పుడు నువ్వెవడో వాడివే నీవు.

నల్లని ముసుగు

నల్లని ముసుగు నెత్తి నిండుగా కప్పుకొని
కోనేట్లో నీళ్లు దోసిట్లోకి తీసుకొని
వెనక్కి వేసుకోబోతే,
చేప పిల్లొకటి పరిచయమున్న దానిలా నవ్వింది.

నల్లని ముసుగుని నుదిటి మీదకనుకొని
సాయం సంధ్యలోని మసక వెలుగులో
మాడ వీధిలో నడుస్తుంటే
అమ్మవారి ఏనుగు తలపై ఆశీర్వదించింది, బరువుగా.


నల్లని ముసుగుని కొంచెం క్రిందకని,
వంచిన తల కొంచెం ఎత్తి
స్వామి వారి వైపు చూస్తే
ఎవర్నుండి దాచుకుంటావ్?
అంటూ చిర్వవ్వులు నవ్వాడు.

కొత్త శోధన యంత్రం!

http://cuil.com

ఫలితాలు ఇంకా సరిగ్గా రావటంలేదు, కానీ ఫలితాల ప్రదర్శన విధానం అదుర్స్. ముఖ్యంగా వర్గాలు చూపడం కూడా..

ఇంకా తెలుగులో అణ్వేషించడం కలపలేదు :(

(సశేషం)

ఓ రోజు,
వస్తాయనుకున్న మబ్బులు రాక
చల్లబడ్తాడనుకున్న సూర్యుడు అలాగే మండుతుంటే
అదృష్టవశాత్తూ రోడ్డు పక్కన బతికిపొయిన
గరర్నమెంటు చెట్టు నీడలో సేదతీరుతుంటే
నువ్వు మొదటిసారిగా కన్పించావు.

అంత ఏండలోనూ
నాలుగాకుల నీడ కింద
ఏడుపు లేకుండా నవ్వులేకుండా
నీ లోకంలో నువ్వాడుకుంటున్నావు.

ఎవరైనా వస్తారేమో అని చూసి,
ఎవరూ రాకపొయ్యేసరికి ఆశ్చర్యపొయి
భుజంపై వేసుకోని లాలించి
ఊరంతా తిరిగి చూసి
అందరికీ వివరించి చెప్పి
ఎవరికీ ఏమీ కానివాడవని
నాదగ్గరే ఉంచుకున్నాను.

అడుగులో అడుగు వేస్తూ
పడుతూ లేస్తూ నడుస్తుంటే
ఎంతో మురిసిపొయినాను.
గుండెలమీదుంచుకొని నిద్రోయినాను.

నిన్ను చూపించి సుద్దులు నేర్పుతుంటే,
ఊరంతా తిరిగి గొప్పలు చెప్పుకొని
ఎంతో మురిసి పొయినాను.

(సశేషం)