విహారం

మరో ఉదయం మేల్కొని
రెక్కలు అల్లల్లాడిచ్చి, విదిల్చి
కాలితో ముక్కు సరి చేసుకొని
ముక్కుతో కాళ్లు సరిచేసుకొని
అటు ఇటు చూసి విహారం మొదలెట్టాను.

కొంచెం సేపు రెక్కలు వేగంగా అల్లాడిస్తూ
కొంచెంసేపు రెక్కలు నెమ్మదిగా అల్లాడిస్తూ
కొంచెంసేపు రెక్కలు నిశ్చలంగా నిలిపి
అటు ఇటు చూస్తూ విహారం కొనసాగించాను.

కొండల చుట్టూ, జలపాతాల పైగా
నదుల వెంబడి, సముద్రాల అలల పైగా
నగరాలకు దూరంగా, పల్లెల పైగా
అన్నీ ఆనందిస్తూ విహారం కొనసాగించాను.

ఆకలి వేలల వేటాడుతూ,
ఆపై క్షణ క్షణం ఆనందిస్తూ,
విహారం కొనసాగించాను.