రాజ శేఖరన్

రాజన్
రాజాధిరాజన్
మగరాజన్

రాజకీయ దురంధరన్
రాజన్
రాజాధిరాజన్
మగ రాజన్

ఆ అంటే అందలాలు
ఆయ్ అంటే అరదండాలు!
రాజన్
రాజాధిరాజన్
మగ రాజన్

అయినవారికి ఆకాశం, భూమీ!
కానివారికి కషాయం, కాలకూటం!!
రాజన్
రాజాధిరాజన్
మగ రాజన్

పీడకల
చీడపురుగు
ఓడయ్యే బండి
బండయ్యే ఓడ
రాజన్
రాజాధిరాజన్
మగ రాజన్
రాజ శేఖరన్

నక్షత్రాలు నవ్వుతూ నాట్యం చేస్తుంటాయి.

అక్కడ
నక్షత్రాలు నవ్వుతూ నాట్యం చేస్తుంటాయి.

అక్కడ
నవ్వుకు నవ్వు తప్ప మరో అర్థం లేదు.

ఇక్కడ
విషాద మేఘాలు నన్ను చుట్టుముట్టాయి.

ఇక్కడ
ద్వారాలన్నీ మూసి ఉన్నాయి.

ఇక్కడ,
పెదాలకు నవ్వు పూసుకొని నేనున్నాను.

ఇక్కడ,
నక్షత్రాలను లెక్కేస్తూ నేనున్నాను.

ఇక్కడ,
కన్నీరు బయటకు రానీకుండా గుండెలో చెలములు కట్టుకున్నాను.