Wednesday, October 29, 2008

జ్ఞానము

తెలవని వారికి వివరము
తెలిసిన వారికి జ్ఞానము
తెలిసీ తెలియని వారికి అజ్ఞానము.

Sunday, October 26, 2008

ఆముక్తమాల్యద: 2-2 : ఏ వీట సతుల పాలిండ్లపై గంబూర

సీసం

ఏ వీట సతుల పాలిండ్లపై గంబూర
నవహారముల చిప్పకవుచు మాన్చు,
మలయజం బే వీట దొలు చెక్క డులిచి మే
డల కిడ్డ మిగులు భూములకు డిగ్గు,
గలచు నే వీడి సింహళ గజంబుల గాలి
చైత్ర వేళ నుదగ్దశా గజంబు,
దాల్తు రేవూడి ప్రాక్తన భూప నిర్మాల్య
మరకతంబులు పెఱ ధరణీపతులు,

తే

కపివర నియుక్త గిరి సదృగ్గహన నిలయ
గాత్రగాహిత కనక ముక్తా కవాట
గోపురావేదితోచ్చతాక్షోభ్య వప్ర
దనరు దక్షిణ మధుర సాంద్రద్రుమధుర

Wednesday, October 22, 2008

బెదిరింపులకా సెటిలర్స్ ఫ్రంట్

సాక్షి నుండి.

రాజశేఖర రెడ్డి కుల రాజకీయాలు

మొన్నీమద్య గౌడ కుల పెద్దలు
ఈ రోజు స్వర్ణకారులు

ఇలా రోజుకో కులాన్ని పిలిపించుకోటం, అదీ ఇదీ చెప్పటం, చివరకు డైరక్టుగానో ఇండైరెక్టుగానో వోటు బ్యాంకు సృష్టించుకోవాలని చూడటం.

కులమా నీ చావెప్పుడే?

కుల దుర్వినియోగమా నీ చావెప్పుడేఁ?

త్తెటైపింగ్

మా వాడొకడు బెంగాలీ నేర్చుకుంటున్నాడు, పదం పదం కూడబలుక్కోని ప్రాక్టీస్ చేస్తుంటే నవ్వుకున్నా.

ఇప్పుడు తెలుగులో నా టైపింగ్ కూడా అలాగే ఉంది. అక్షరం అక్షరం కూడబలుక్కోని వ్రాయాల్సి వస్తుంది. దానితో టపాలు చిన్నవి అవుతున్నాయి.

Wednesday, October 15, 2008

ఎక్కువ కులజుడైన హీన కులజుడైన

ఎక్కువ కులజుడైన హీన కులజుడైన నిక్కమెరిగిన మహా నిత్యుడె ఘనుడు. 3

వేదములు చదివియును విముఖుడై హరి భక్తి ఆదరించని సోమయాజికంటే
ఏదియునులేని కులహీనుడైనను విష్ణు పాదములు సేవించు భక్తుడే ఘనుడు.

పరమమగు వేదాంతపఠనదొరకియు సదా హరి భక్తిలేని సన్యాసి కంటే
సరవిమాలిన అంత్యజాతి కులజుడైన అరసీ విష్ణుని వెతకూ ఆతనే ఘనుడు.

వినియునూ చదివియునూ శ్రీవిభుని దాసుడుగాక తనవు వేపుచునుండు తపసికంటే
ఎనలేని శ్రీవేంకటేశు ప్రసాదాన్నమూ అనుభవించిన ఆతడప్పుడే ఘనుడు.

--అన్నమయ్య

Tuesday, October 14, 2008

పర్నశాల వీడదో టైపు

వీడు అతివాదుల్లో మితవాది, మితవాదుల్లో అతివాది.
వీడు పట్టుకున్న కుందేటికి ఒక్కటే కాలు, కాదు మూడని ఎవడన్నా కామెంటాడో ఇహ అంతే సంగతులు.

అడ్డంగా నిలువుగా వాదించడంలో దిట్ట, తిమ్మిని బమ్మి , బమ్మిని తిమ్మి చెయ్యడంలో ఆరితేరినవాడు.

వీడు వాదించడం కూడా అలక్సాండర్ యుద్దం చేసినట్టు బలహీన కామెంట్లపై దాడి చేస్తాడు. ఎవరన్నా నాలుగు మంచి ముక్కలు చెపితే అవి ఉన్నట్టు కూడా పట్టించుకోడు.

అన్నింటికంటే పెద్ద సమస్య తను ఎల్లప్పుడూ కరక్టే అనుకుంటాడు. తన అభిప్రాయం మార్చాలంటే దేవుడే దిగి రావాలనుకుంటాడు, అప్పుడు కూడా మార్చుకోడేమో. మరో పెద్ద సమస్య ఎదుటి వాడు ఎప్పుడూ తప్పే అనుకుంటాడు.