Tuesday, October 14, 2008

యూనీకోడ్ ఇప్పుడు పెద్దన్న

గూగుల్ వాడి ఈ టపా చూడండి http://googleblog.blogspot.com/2008/05/moving-to-unicode-51.html

ఇప్పుడు ప్రపంచంలో ఎక్కువగా వాడే ఎన్కోడింగ్ యూనీకోడ్ !

దళితులు బాగుపడాలంటే

దళితులు బాగుపడాలంటే, అవినీతి నిర్మూలిస్తే సరిపోతుంది.

అప్పుడు పనులు రాజ్యాంగం ప్రకారం అవుతాయి. దళితులకు దక్కవలసింది దక్కుతుంది.

ఉదాహరణకు గవర్నమెంటు వాడు దీపం పథకం అనో మరేదో ప్రకటించాడనుకుందాం, కేవలం అవినీతిని ఆయుధంగా చేసుకొని అర్హులు కానివారు కూడా లబ్ది పొందుతున్నారు.

Monday, October 13, 2008

అనిశముదలచరో

అనిశము దలచరో అహోబలం
అనంత ఫలదం అహోబలం

హరి నిజనిలయం అహోబలం
హర విరించి నుత మహోబలం
అరుణమణిశిఖర మహోబలం
అరి దైత్యహరణ మహోబలం

అతిశయ శుభదం అహోబలం
అతులమనోహర మహోబలం
హత దరితచయం అహోబలం
యతిమత సిద్దం అహోబలం

అగు శ్రీవేంకట మహోబలం
అగమ్యమసురుల కహోబలం
అగపడు పుణ్యుల కహోబలం
అగకులరాజం అహోబలం

అమెరికా ప్రస్తుత సంక్షోభం భారతదేశంలో గుప్తుల కాలం

అమెరికా ప్రస్తత సంక్షోభం చూస్తంటే నాకు గుప్తుల నాటి భారత దేశం గుర్తు వస్తంది.

అదెలాగంటారా?

ఇప్పడు ఆర్థిక సంక్షోభం పుణ్యమా అని గ్లోబలైజేషన్ వ్యతిరోకులకు పండుగే పండుగ. స్వేచ్చా ప్రియుల నోల్లు నొక్కి దేశాన్ని ఐరన్ కర్టన్ వైపు నడిపించటానికి బంగారపు అవకాశం.

గుప్తుల కాలానికి ముందు దేశం ముఖ్యంగా ఉత్తర దేశం గ్లోబల్ మార్కెట్ లో భాగంగా ఉండేది, అలక్షాండర్ దండయత్ర వల్ల వచ్చిన మార్పుల్లో ఇదొకటి. కాని అకస్మాత్తుగా దేశంపై ఐరన్ కర్టన్ వచ్చింది.
సాంస్కృతంగా, ఆర్థికంగా అప్పటి వరకూ సాగిన రవాణా చాలా వరకూ ఆగిపొయింది. చివరకు నౌకా రవాణా కూడా నిషేదించారు. యవ్వనులు మొన్నగు వారు విలన్లు అయ్యారు.

దేశాన్ని మొత్తన్ని ఇలా ఎలా చెయ్యగలిగారబ్బా అని అనుకునేవాన్ని, బహుశా అప్పుడు కూడా ఇలాగే వచ్చిన పెద్ద సమస్య నుండి బయటపడటానికి కఠిన నిర్ణయాలు తీసుకొని ఉంటారేమో!

నిలువు దోపిడీ

తిరుమల దేవాలయంలో కొలువైన వేంగండస్వామి వారికి నిలువు దోపిడీ అని ఓ మొక్కు ఉంది.

ఈ మొక్కు అతి తీవ్రమైన కష్టాలపాలైనప్పుడు మొక్కుకుంటారు.

ఇలా మొక్కు మొక్కుకున్నవారు , కోరిక తీరిన తరువాత ఒంటి మీద నగలన్నీ , బట్టలతో సహా హుండీలో వేసి,

ఏడు కొండలవాడా వేంకటరమణా గోవిందా అని ఇంటికి వస్తారు.

కొంత మంది తమ నగలకు సరిపోను నగదు కూడా బదులుగా హుండీలో వేసి నగలు ఇంటికి తెచ్చుకుంటారు.

నాకు తెలిసిన వారు కొడుకు ప్రాణాన్నీ, భర్త ప్రాణాన్నీ ఆసుపత్రిలో ఇలా కాపాడుకున్నారు.

లార్డ్ వెంకటేశ్ జిందాబాద్.

Tuesday, October 7, 2008

....

నన్ను నేను మోసం చేసుకుంటూ
నిన్ను నేను మోసం చేస్తూ
నువ్వు నన్ను మోసం చేస్తూ
నిన్ను నువ్వు మోసం చేస్తూ
నా కోసం నువ్వు అబద్దాలాడుతూ
నీ కోసం నేను అబద్దాలాడుతూ
భలే సాగుతున్నాం
ఈ ప్రయాణంలో
తరువాతి మజిలీ ఏమిటో మరి.

దసరా శుభాకాంక్షలు.

ఈ దసరా మీకు సకలైశ్వర్యాలూ, సకల శుభాలూ, సకల సంతోషాలు ప్రసాదించాలనీ
ఇ దసరా మీకు త్రి పీడలు కలిగించాలనీ,
మంచి బుద్దినీ, సాటివారిపై ప్రేమనూ కలిగించాలనీ,
దేశం శాంతి సౌభాగ్యాలతో తుల తూగాలనీ
.....